قصة عبقرية أخرى يا نورا..
فكرة رومانسية معتادة..عجوز يتذكر زوجتة الحبيبة التى ماتت..لكن مزج تلك الفكرة بقدر مساوى لفكرة أخرى خيالية غامضة، و هى فكرة الفستان و محل الخياطة صنع مزيجاً جديداًو سردت هذا كله بأسلوب جميل جعلنى أحيا داخل أجواء القصه..

"وعاد للنوم في الانتظار ساعته التي بدت له الآن أنها تأخرت بحق..."

جميل يا نورا

احم..أنا موجه على فكرة!

مرحبا نورا .

أولا الملاحظات اللغوية:

(أتسائل): أتساءل.
(لم ينتهي): (لم ينتهِ).
(استنفذت): (استنفدت) بمعنى أنهت.
(ثم انقطعت عنه ومضات الذاكرة.. فقد استنفذت ما تقدر عليه.. ولم يطالبها – وهي العجوز مثله- بما هو أكثر.. ومضى يتأمل الفتى.. والفستان الأزرق ذو الشرائط الحريرية..): العب! خدي عندك بقى.
(وهي العجوز مثله): يقال للرجل كبير السن: شيخ. وللمرأة كبيرة السن: عجوز. وذهب الرافعي رحمه الله إلى عدم التفرقة بينهما وهو قول شاذ.
(والفستان ذو..): (ذا).
(في الانتظار): (في انتظار).
ثانيا النقد الشكلي للقصة:
شوفي يا ستي الأسلوب تغلب عليه التقريرية وده مش عيب عامة. لكن جو القصة والفكرة كان عايز تصويرية.
الفكرة فلسفية في نظري. تقليدية. لفيتي ودرتي حواليها أكتر من اللازم في رأيي يعني كنتي ممكن تختصري حجم القصة باختصار حجم المشاهد وتكثيفها بما يتيح للقارىء فرصة للتخيل أكتر وده باستخدام الأسلوب السينمائي. وده أسلوب كتابي طبعا بيخلي القارىء يحس إنه ف فيلم. ربما نتكلم عنه بتفصيل فيما بعد.
العاطفة نتيجة للتقريرية بتاعتك طبعا عبرتي عنها أي كلام. يعني أقدر أقول عبرتي عنها بنسبة واحد من خمسة..لا مؤاخذة!.
طيب إزاي العاطفة نعبر عنها بانسيابية أكتر بالتقريرية؟..أعتقد لا يمكن!. لكن بالتصويري نقدر نقول مثلا الجملة دي بتاعتك: (شده لحظة صامتًا.. ثم استدار.. ونزل الدرج.. فانتظر العجوز حتى غاب صوت قدميه عن مسمعيه.. ثم أغلق الباب.. وعاد للنوم في الانتظار ساعته التي بدت له الآن أنها تأخرت بحق... ).
إلى: (وفي صمتٍ شده طارقا..عيناه تمسحان الأرض بحياء..منسحبا نزل الدرج..وعند عتبة الباب ارتكن الشيخ إلى الجدار مصمخا أذنيه لطقطقة قدمي الفتى حتى غابت..ثم أغلق الباب وعاد للنوم منتظرا ساعته التي قد تأخرت بحق...).
وعموما التقريرية بتبقى نتيجة (معلش أنا قاسي) بتبقى نتيجة نقص المحصول اللغوي من المفردات. والحل هو القراءة بتمعن للناس البلغاء زي المازني والرافعي والعقاد وزكي نجيب محمود والرافعي وطه حسين. وكثرة النظر في المعجم لمعرفة ما استشكل على الواحد. وأنا شخصيا حصيلتي اللغوية زادت للضعف ف شهر واحد لما كنت بعمل بحث عن أجمل الأسماء ومعانيها فمسكت المعجم الوجيز ده من الجلدة للجلدة واستفدت كتير أوي. ممكن إنتي

ممكن إنتي مثلا تعملي بحث عن المفردات الصعبة ف القرآن ف كشكول كده عندك. أو بحث عن المترادفات وما أكثرها.
الخيال مبني على فكرة واحدة هي روح القصة.

ثالثا النقد الأدبي وهو أمتع جزء في نظري حيث تظهر العبقرية:
بالنسبة للجو النفسي للقصة: واحد مراته ماتت جالها الفستان الأزرق متأخر. ربما عايزه تقولي إن الحاجة الحلوة معرفتش يا عيني تتمتع بيها قبل ما تموت. حاولتي تتكلمي عن الفرص الضائعة ف حياتنا وما أكثرها. ولاحظت ف حوار الزوجة مع زوجها لاحظت إنها اتكلمت كتير أوي وهو ما اتكلمش معاها إلا جملة واحدة بس. طلعت من الحتة ديا إن كتير ناس مبنحسش بقيمتها إلا بعد ما يمشوا.
إيه تاني؟..آه حلوة حكاية إن الفستان جيه ف ميعاده بعد خمسين سنة ديا. الخيال الوحيد ولكنه ذو مفارقة مفعمة بالسخرية. والواد إللي جايبه شكله غريب يمكن قصدك من نفس زمن الفستان؟.
الجو الاجتماعي مش باين ف القصة.
طيب نقدر نقول كده إن العمل جيد جدا.